|
Nota
| Codex e charta fusca novem quiniobus constat inde a f. 1a et fasiculo quinque foliorum. Paginae mediae fasciculorum lineola flexuosa distinguutur in angulis oppositis externis more Coptitarum, superiore dextro et inferiore sinistro. Singula folia in ang. sup. ext. notata sunt haud prima manu litteris numericis copticis γ΄(f. 2) - ξε΄, quae magna ex parte emendatae sunt atramento pallidiore, qua de causa nescimus. Nomen evangelistae لوقا prope notam folii conspicitur in ff. 2-3, dein in ff. 23. 30. 33. 39 sine, ut vid., lege. Ff. 1r-38v charta olim translucida, nunc flavescente, cooperuerunt conglutinatores bibliothecae Vaticanae an. 1860-1866. Scripturam enarraverunt E. Tisserant, "Specimina codicum orientalum", p. XXXIII, qui in tabula 45a e fol. 45r textus Luc. 24, 47 (άρξάμενον) - 53 imaginem publici iuris fecit, nec non Gulielmus Wright, "The Palaeographical Society", "Oriental Series", tab. XXI (Luc. 16, 24-29 = f. 64r). Subscriptio librarii (f. 94r) : تم كتب انجيل لوقا بمصر فى رجب بسنة ثلث | وثمين وثلثماية ولله الشكر على نعماته | من قراه يدعو لكاتبه ولوالديه بالرحمة وغفران | الخطايا وهو ماجور كريم. اللهم ارحم عبدك كاتبه
"Absoluta est descriptio Evangelii Lucae in urbe Miṣr (i. e. Cahirensi) mense raǧab anni 383 (Ch. 22 aug.-20 sept. 993). Et Deo gratias pro eius beneficiis ! Quisquis id legerit, misericordiam et veniam peccatorum pro scribenti eiusque parentibus deprecetur, et praemio decorandus erit et honorandus. Deus, miserere servi tui, librarii huius (evangeli) ! ". F. 1r (quod est folium custodiae) notae codicis: n. XVIII et Vat. 9. F. 1ar nota, qua codex saec. XVI in. signatus est 321 (df. Vat. lat. 7136, f. 94v); dein 87; titulis manu saec. XVI Evangelium in arabico cancell. et, manu saec. XVII : Euangeliu(m) Luce Arabicu(m); sequuntur notae 9 Vat. | nov. XVIII. | 18. Arabo F. 1av : Euangelia manu saec. XVI. In summo f. 1br: اسحق بن منصور بن اصطفانوس "Isḥāq filius Manṣur filii Stephani"; Evangelia; in figura quadrata : Cod. XVIII. fol. 93 | descriptur anno Ch. 993 | a quodam Mahometano, conti|net Evangelium Lucae. Antonius Assemani 1784.
In tegumenti membranacei dorso impressae dunt auro tesserae gentiliciae Pii IX et Antonii Tosti cardinalis bibliothecarii interque eas nota Vat. | 18 in schedula rubra et Arab. |
digitalizzati