| Descrizione |
|
Altro nome
| Bonnerue de Saint-Romain, Joannes Josephus, sec. XVII-XVIII (autore esterno) |
|
Nota
| Codex noster iam saec. ineunte XVIII fere in omnibus lacerus erat, praesertim initio et fine, atque foliis conpluribus ad initium carebat, quod demonstrat enarratio Iohannis Iosephi a S. Romano in cod. Barb. lat. 3138 p. 170 s. v. "Leges, et Constitutiones". |
|
Nota
| In tegumenti tabulae anterioris facie interna nota "Num(er)o Ant(i)co 147" (quo numero codex signabatur in Bybliotheca Barberiniana saec. XVIII in. v. Ind. a Iohanne Iosepho a S. Romano a. 1711 digestum in cod. Barb. lat. 3138, p. 170 s. v. "Leges, et Constitutiones"); inferius, eadem manu, "Legato nel 1827". |
|
Nota
| Codex noster et Parisinus gr. 1392, qui soli usque adhuc innotuerunt constitutiones Friderici II graece exhibentes, eiusdem imperatoris constitutionum Melphiensium partem tantum antiquiorem continent atque in textu maxima ex parte consentiunt; consentiunt etiam ut plurimum in singularum διατάξεως progrediente serie. Differunt vero titulorum inscriptiones in cod. Paris. a titulis libri Barberiniani; differunt etiam singuli constitutionum libri, scil. quotquot ipsi constitutiones contineant in cod. Paris. et in nostro, nam in lib. I cod. Paris. constitutiones sunt numero LXXXII (πβ´), inclusa προθεωρία (α´), nostro in codice vero non subputatur προθεωρία et series usque ad notam LXXXI (πα´) progreditur; in libro II codicis Paris. constitutiones obcurrunt LXX (ο´), in codice nostro XC (Ϟ´), i. e. conprehenduntur etiam constitutiones I-XX (κ´) libri tertii secundum cod. Paris.; in libro denique III codex Parisinus constitutiones exhibet LXX (ο´), codex vero noster L (ν´), i. e. incipit inde a const. XXI libri III codicis Parisini. Codices nostri Parisinus et Barberinianus differunt quoque in textu hic atque illic, sed haec graeca Constitutionum Friderici II translatio tribuenda est uni eidemque viro docto. |
digitalizzati