Nota
| Librarius quidam eiusdem aetatis foliorum 1r-208v columnas singulas 1-846 plumbo numeri ordine designavit (ad libros Physicorum et De generatione et corruptione), qui tamen bis 367-368 scripsit; librarius quidam recentior numeri ordine foliorum 1r-151r singulas columnas 1-618 atramento distinxit, libros videlicet septem Physicorum priores continentes: ab alia vero et probabiliter superiore manu ff. 151-196 numeris 1-46 notata sunt, ff. 209-282 a 1 usque ad 75. Folia denique singula 1-285 in Bibliotheca Vaticana recentius (saec. XVI-XVII) numeri ordine notata sunt, foliis quinque omissis singulis post 43, 64, 79, 132, 220; quas notas nostrae aetatis librarius quidam adposuit. |