|
General note
| Animadverte insuper codicis nostri folia 1-41 numerata fuisse notis hodie deletis "109-149", quae nisi fallor, saec. XVI adscriptae sunt. Numeratio haec nectitur atque conspirant foliorum notis cod. Barb. gr. 109, eadem manu exaratis: nam folia cod. 109, hodie fasciculo primo mutili, numeris distinguuntur "9-108". Praeterea uterque liber in Bybliotheca Barberiniana olim numero signabatur "264" (v. cod. 99 prioris operculi paginam internam; cod. 109 operculi anterioris faciem aversam, nec non f. 9r; cfr. etiam indices a Iohanne Iosepho a S. Romano digestos in codd. Barb. lat. 3139. 3138 s. v. "Ammonii; Nicephori Blemmidae (sic); Porphyrii"). His ex vestigiis conligitur saec. XVI libros Barberinianos graecos 109 et 99 unum codicem effecisse. |
|
General note
| Folia Isagogen continentia ab eo qui numerationem foliorum libri "264" saec., ut videtur, XVI adposuit, notis arabicis "1-12", hodie deletis, distincta sunt; paginae vero quae Ammonii textum exhibent, notatae sunt numeris "1-<58>", partim deletis et alia, ni fallor, manu fere coaeva inscriptis. |
manuscripts