|
General note
| Codex scriptura saepius varia et calamo satis crasso exaratus. Foliorum numeris recentissime stylo plumbeo inscripti. Priore manu paginae notis numericis occidentalibus 1 (f. 1r) - 424 (f. 213v) singatae fuerunt. Alia manus permultas sententias vocesque linea subducta distinxit et nomina propria latine transcripta in margine addidit. Tituli miniati ; signa interpunctionis saepissime posita constant minimis circulis rubris cum puncto nigro. In angulis foliorum aversorum inferioribus internis conspiciuntur custodes. Littera س distinguitur signo tašdīd et lineola superpositis (سَّ) ; pro littera ث scribitur ت ; litteris ذ et ة finali desunt puncta. Littera ه finalis, si est lineae ultima, habet formam tendiculae rubro tactae. Littera ى finalis, hic illinc et litterae م et ل sinsitrorsum valde protractae. Habentur in codice diversis manibus multa additamenta et annotationes : F. Ir complent eadem manu, qua scholia in marginibus scripta nomina varia quae in libro occurrunt cum numeris paginarum, ubi exstant, non semel deformata, e. gr. in linea 1 et sq. Aristotelis liber de istabres (loco الاسطيماس), Abdalla Ben Elfadli in responsionibus ad Ichswgala (loco اكساريوس وقال) etc. Haec nominum series continuatur in chartulae fragmento a bibliopega folio IIv agglutinato. Ibid. Beren. Eccl. (cancell.) 7 | nov. CLVIII. F. IIIr in marg. sup. Chronicon Iasirii Amid ab Adamo | ad Heraclium. Ibid. plures quadrae ita delineatae, ut alia in alia sit posita, hac inscriptione subdita : هذه مدينه | ريحا واصوارها "Haec est urbs Herichuntis, eiusque moenia". Ad dextrum ratiunculae. Dein exemplar compositionis glutinis, quae episcopi vocatur (نسخت معجون الايقف). F. IIIv duo versiculi ex parte delecti. F. IVr notitia dierum infaustorum a Mose propheta, uti dicitur, filiis Israël tradita, ut eos servarent, scriptura karšūnī iterata et paucis aucta e textu arabice scripto in f. 211v (saec. XVII°. Series illorum dierum ibid. exstat in marg. interno transverse scripta. Dein : نظر فى هذا الكتاب المبارك الذى هو | كتاب ابتدا الخليقه وكتاب التاريخ الحقير | الفقير اخيجان ابن عبد العال الماردانى | السريانى فى سنه ١٩٤٤ يونانيه "Conspexit in hunc librum benedictum qui est liber principii mundi et liber chronicae, humilis, pauper Aḫīğān, filius ʿAbd al-ʿAlī ex urbe Mardīn ortus, Syrus, anno Graecorum 1944" (i. e. 1633 Ch.). F. 212r : نضر فى هذا الكتاب المبارك واحد ولد ابن اربع | عشر سنة وهو الفقير حنا بن قس نعمه الله "Conspexit in hunc librum benedictum filius quidam annorum quattuordecim, scil. pauper Ḥannā, filius presbyteri Niʿmatallāh". Alia manu (saec. XVII) : اسما ابواب قسطنطينية العضما وهم ٦ للبر ١٨ للبحر "Nomina portarum Constantinopolis grandium, quarum sex sunt versae ad terram et decem octo ad mare", quae nomina sequuntur. Item quadratum magicum cum notis numeralibus cumque hac inscriptione : هذه العقده | هو خاتم القوالى وهى احرف المجوزان والمفرد... | وهى بطدٍ زهج واح اى دوح "Hic nodus est sigillum al-Qarālī, et sunt litterae magicae... (?)". Infra sequitur : ان كنت عارف فك | هذه العقده | واكتبها هاهنا "Si intelligas, solve hunc nodum et scribe huc". Ad sinistram alia manus interpretationem ascripsit. Ad dextram haec verba يا روشى يالكشى grandiore scriptura kūfī et iterata scriptura nasḫī. F. 212v series sultanorum dynastiae Othomaniorum chronologica ab Oṯmān an. heg. 641 (i. e. 21 janvier 1243 - 8 juin 1244 Ch.) ad Murād an. 1032 (i. e. 5 novembre 1622- 24 octobre 1623 Ch.) adque annum 1542. Ibid. scripture στρογγύλη grandiore. "Per te impetemus hostes, et in nomine tuo calcabimus osores. Thomas". F. 213v scriptura minore : دخل فى ملكية افقر العباد اصلان بن عبد العالى | الماردينى السريانى المذهب سنه ١٠٤٣ "(Hic liber) transiit in possessionem pauperrimi inter servos Aṣlām filii ʿAbd al-ʿĀlī ex urbe Mārdīn orti, Syri confessione, anno [hegirae]1043" (i. e. 8 iulii 1633 - 26 iunii 1634 Ch. ; cf. supra, ubi eiusdem frater Aḫīğān memoratur). Alia manus scriptura grandiore nomina mensium arabicorum adiunxit. In f. 214v summo : نظر فى هذا الكتاب المبارك التاريخ العبد الفقير | الى الله تعالى شحاده السريانى المله اليعقوبى المذهب "Conspexit in hunc librum benedictum, (qui est) chronicon, servus indigens coram Deo altissimo Šiḥādah, Syrus natione, Iacobita confessione". Ibid. sequentia ex inverso scripta : نظر فى الكتاب المبارك الفقير الحقير اقل عباد الله الذى | لم يستحق ان ينذكر اسمه وخطايا/بخطاياه "Conspexit in hunc librum benedictum pauper, humilis, vilissimus inter servos Dei altissimi, qui non est dignus ut nomen suum memoretur propter peccata sua" ; nomen deest. Praeterea insunt ibid. aliae notationes nullius momenti et calami probationes. In f. 215r summo : Anthologia 25 feuillets et 178. In ff. IIIr. 214v. 215v imis 168.Arabo. Ff. IVv. 1r. 214r. 215r vacua. In dorso integumenti membranacei auro impressa sunt tesserae gentiliceae Pii IX et Iohannis B. Pitra card. bibliothecarii necnon verbum Arab, in schedula autem e corio rubro nota codicis Vat. | 168. |
manuscripts